ஆணினமே உணர்வீர் :

மொட்டு விரிந்து மலர்வதற்குள்

முலை அறியா பெண்ணினத்தை

குழந்தை, குமரி, கிழவி என

கசக்கி எறியும் காமுகனே

பாலியல் வன்கொடுமை

பார் எல்லாம் கேட்குதையா

ஏன் இந்த இழிநிலை

எங்களுக்கு? ?

எப்போது உணர்வீர்- ஆணினமே

எப்போது உணர்வீர்

தந்தை மகளையும் விட்டுவைக்கவில்லை

சாமியார், பக்தையையும் விட்டுவைக்கவில்லை

உடல்வலி, உள்ளவலி ஓராயிரம்

எங்களிடம்

சொல்லதான் முடியவில்லை

சொல்வதை கேட்க ஆளில்லை

உணர்வீர் ஆணினமே! !!